Жаңалықтар

ACM ICPC бағдарламалау бойынша 48-әлем чемпионатының финалы дәл қазір Астанада өтіп жатыр! Нәтижелерді бақылап, командаларымызға жанкүйер болайық 🇰🇿

Оқушыларға арналған AI олимпиадасы: биыл Болгарияда Google серіктестігімен оқушыларға арналған алғашқы халықаралық AI олимпиадасы өтеді. Бұл IMO, IPhO немесе IOI секілді жарыс.

Ақпаратты дер кезінде таратуға көмектескендеріңіздің арқасында олимпиадаға команда жинай алдық!

Команданы ұйымдастыруды Спорттық бағдарламалау федерациясы — CPFed KZ өз мойнына алды.

Қазақстан атынан мына команда қатысады: 1) Ерсұлтан Абжами — Astana NurOrda, 11-сынып, Codeforces: syrtin (ең жоғары рейтингі 2244); 2) Нұрислам Сырғабаев — Қызылорда БИЛ, 11-сынып, Codeforces: Nuris (ең жоғары рейтингі 2168); 3) Владислав Поссин — Алматыдағы №165 мектеп, 11-сынып, Codeforces: Tima3 (ең жоғары рейтингі 2139); 4) Ақежан Асқар — Семей НЗМ, 10-сынып, Codeforces: mispertion20 (ең жоғары рейтингі 2205).

Қазір оқушылардың олимпиадаға лайықты дайындалуына көмектесе алатын еріктілерді іздеп жатырмыз.

Формат:

• Екі апта қашықтан консультация

Тақырыптар:

• Классикалық машиналық оқыту
• Компьютерлік көру
• NLP

Кері байланыс: өз кандидатураңызды тікелей @Yergalife арқылы ұсына аласыз.

Барлық сұрақ пен ұсынысты пікірлерде немесе қауымдастығымыздың «Білім» тақырыбында қалдырыңыз.

Оқушыларға арналған AI олимпиадасы

Биыл Болгарияда Google компаниясымен серіктестікте оқушыларға арналған алғашқы халықаралық AI олимпиадасы өтеді. Бұл IMO, IPhO немесе IOI секілді жарыс.

IOAI — жасанды интеллектінің қызықты әлеміне ынталы жоғары сынып оқушыларына арналған беделді жыл сайынғы жарыс. Оның мақсаты — жастарды AI-дың шексіз мүмкіндіктерін зерттеуге шабыттандырып, олардың қабілетін сынау және AI саласының келесі буын жаңашылдары мен мәселе шешушілерін тәрбиелеу.

Қазақстан құрамасы: өкінішке қарай, Қазақстан қатысушы елдер тізімінде жоқ, бірақ ұйымдасып, өтінім беруге әлі аздап уақыт бар.

Осы жазбаны таныс AI энтузиастарына, өршіл мектеп директорларына немесе оқушыларымыздың жарысқа қатысуын ұйымдастыра алатын білім беру бағдарламаларының жетекшілеріне бөліссеңіздер жақсы болар еді.

DSML Kazakhstan қауымдастығы менторлық және дайындық жағынан қолдау көрсетуге уәде береді.

Дайындық: жарыс AI-дың үш бағытына арналған — Natural Language Processing, Machine Learning және Computer Vision. Командалар Scientific Round және Practical Round кезеңдерінде сайысады. Дайындық туралы толығырақ Ресей құрамасын жаттықтыратын Александр Гущиннің блогынан оқуға болады.

Қауымдастығымыздың пионері әрі жасанды интеллект саласындағы көрнекті зерттеуші, көпшілік higgsfield атымен танитын Ерзат Дулатпен көлемді сұхбат жарияланды.

Ерзат пен оның Higgsfield AI стартабындағы командасы АҚШ-та жаңа Diffuse платформасына $8 млн инвестиция тартты. Мобильді қолданба пайдаланушыларға мәтіндік сұрау арқылы дайын клиптерді немесе өз фотосуреттерін пайдаланып, видеоконтентті нөлден жасауға мүмкіндік береді.

Сұхбаттың қысқаша мазмұны:

• Білім және мансаптың басталуы:

«Мектептен кейін computer science-ты шамамен 2–3 жыл оқыдым. Бірақ кейін жалығып, өзіме жаңа нәрсе іздей бастадым. Машиналық оқыту туралы осылай білдім. 2016 жылы бұл сала хайптан әлі алыс еді. Тіпті ол кезде Қазақстанда машиналық оқыту мамандары да жоқтың қасы болатын.»

• OpenAI-мен әңгіме:

«2018 жылы OpenAI маған өздері хабарласты. Machine learning туралы жұмыстарымның бірі жарияланғаннан кейін компанияның тең құрылтайшысы Джон Шульман электрондық поштама жазып, командаға қосылуды ұсынды. Бірақ мен өз жобаларыммен айналысуды таңдадым.»

• Higgsfield AI-дың бәсекелік артықшылықтары:

«Sora-ның мақсатты аудиториясы Голливуд продюсерлері болса, біздікі — әлеуметтік желілер үшін көп контент жасауы қажет түрлі компаниялардың маркетинг бөлімдері. Біз олардың шығынын едәуір азайта аламыз.»

• Инвестиция тарту:

«Инвесторларға біздің Кеңес дәуірінен мықты математика мектебі қалған азиялық ел екенімізді айттым. Бұл америкалықтарға ұнайды, өйткені олар азиялықтармен жұмыс істегенді жақсы көреді.»

• Генеративті AI болашағы

«Бір жылдың ішінде AI сервистері адамдар жасаған контенттен ажырату мүмкін емес контент өндіре алады.»