Жаңалықтар

Astana IT University (AITU) университеттердің жалпы рейтингінің көп санатында төртінші, ал университет бренді бағасы бойынша соңғы орын алды. Аноним сауалнама AITU-дың мына негізгі ерекшеліктерін көрсетті:

AITU-дың артықшылықтары:

• Оқу ұзақтығы: үш жылдық оқу мерзімі еңбек нарығына тезірек шыққысы келетіндер үшін артықшылық.
• Практикалық курстар: курстар өзекті және практикалық дағдыларға бағытталған.
• Нетворкинг: университет конференциялар мен хакатондарды жиі ұйымдастырады, бұл мансаптық даму мен кәсіби байланыс орнатуға көптеген мүмкіндік береді.

AITU-дың кемшіліктері:

• Әкімшілік: студенттер әкімшілік жұмысына көңілі толмайтынын және кері байланыста мәселелер барын айтады.
• Оқытушылар құрамы: білікті мамандар болғанымен, кей оқытушылардың кәсібилігіне қатысты сын айтылады.
• Оқу кеңістігінің жайлылығы: жазда университет ғимараты өте ыстық болады. Сондай-ақ оқу бөлмесінде төбенің опырылып түсу жағдайы тіркелген.

ХАТУ-дағы үш бағдарламаны таңдадық. ҰБТ пәндері: математика + информатика. Грант конкурсына қатысу үшін ең төменгі ҰБТ балы — 80.

• DATA SCIENCE (6B06112)

Бағдарлама data science пәндеріне басымдық береді. Негізгі пәндер: Intro to Python; Python for Data Analysis; Машиналық оқыту; Intro to Data Science; Data Science: Advanced; Deep Learning; Сызықтық емес экстремал есептер.

• COMPUTER SCIENCE (6B06101)

Бағдарлама IT әзірлеу саласындағы практикалық пәндерге көбірек көңіл бөледі. Негізгі пәндер: Бағдарламалау тілдері мен технологиялары; Компиляторларды әзірлеу (1, 2); Programming with PL/SQL; Data Science and Machine Learning (1, 2, 3); SAS Programming (1); Data Science of Health Informatics (1, 2); Data Mining (1, 2); Scala тілінде функционалдық бағдарламалау (1, 2).

• ҮЛКЕН ДЕРЕКТЕР АНАЛИТИКАСЫ (6B06103)

Бағдарлама деректерді талдау мен бизнес-аналитикаға көбірек көңіл бөледі. Негізгі пәндер: ООП; Операциялық жүйелер; Жобалау үлгілері; Python және деректерді өңдеу мен талдау кітапханаларына кіріспе; Үлкен деректерді жинау және сақтау; AWS бұлттық технологияларының негіздері; AWS шешімдер архитектурасы; PL/SQL (Oracle) тілінде бағдарламалау.

Оқу ақысы туралы: B057 Ақпараттық технологиялар білім беру бағдарламалары тобы бойынша төрт жылдық оқудың жалпы құны — 5 510 000 теңге. Жылдық төлем оқу курсына қарай өзгереді: 1-курс — 1 280 000 теңге; 2-курс — 1 340 000 теңге; 3-курс — 1 410 000 теңге; 4-курс — 1 480 000 теңге.

Халықаралық ақпараттық технологиялар университеті (ХАТУ) DSML KZ жалпы рейтингінің көп санатында алтыншы орын алды. Сауалнама университеттің күшті және әлсіз жақтары бар екенін көрсетті.

ХАТУ-дың артықшылықтары:

• Оқудың практикалық бағыты: қолданбалы курстар сапасы рейтингінде ХАТУ 6-орында болғанымен, кей студенттер оқытылатын технологиялардың өзектілігі мен оқудың практикалық бағытын жоғары бағалайды.
• Жас әрі белсенді оқытушылар құрамы: көптеген пікірде университетте жас мамандар сабақ беретіні атап өтіледі. Бұл заманауи үрдістер мен жаңалықтарды тереңірек түсінуге ықпал етуі мүмкін.

ХАТУ-дың кемшіліктері:

• Инфрақұрылым: пікірлерде университет ғимаратының шағын екені және автотұрақтың жоқтығы айтылады. Бірнеше респондент кампустың жағдайы мен жатақхананың жоқтығына да шағымданған. ХАТУ жатақхана сапасы рейтингінде де соңғы орында.
• Ұйымдастыру мәселелері: бірнеше пікірде әкімшілік пен деканат жұмысына қатысты проблемалар аталған. Кей студенттер шәкіртақы төлеудің кешігетінін де жазған.
• Академиялық еркіндіктің төмендігі және кей курстардың өзекті болмауы: студенттер пәндерді таңдау мүмкіндігі шектеулі екенін атап өтеді.

ҚазҰУ-дағы екі бағдарламаны таңдадық:

• ЕСЕПТЕУ ҒЫЛЫМДАРЫ ЖӘНЕ СТАТИСТИКА (6B05404), механика-математика факультеті.

ҰБТ пәндері: математика + физика. Грантқа шекті ҰБТ балы — 90, ақылы бөлімге — 80.

Бағдарлама қолданбалы математика мен data science-қа басымдық береді. Негізгі пәндер: Алгоритмдеу және бағдарламалау; Алгоритмдер және деректер құрылымы; Кванттық есептеулерге кіріспе; Машиналық оқытуға кіріспе; Дискретті математика; Деректерді функционалдық талдауға кіріспе; Математикалық талдау (1, 2); ООП; Машиналық оқыту.

• КОМПЬЮТЕРЛІК ҒЫЛЫМДАР (6B06102), ақпараттық технологиялар факультеті.

ҰБТ пәндері: математика + информатика. Грантқа шекті ҰБТ балы — 85, ақылы бөлімге — 75.

Бағдарлама IT әзірлеу саласындағы практикалық пәндерге көбірек көңіл бөледі. Негізгі пәндер: Алгоритмдер және деректер құрылымы; Компьютерлік жүйелер архитектурасы; Параллель есептеу жүйелерінің архитектурасы; Деректер базасы; Дискретті математика; Императивті бағдарламалау; Компьютерлік желілер және қауіпсіздік; Есептеу әдістері; Компьютерлік көру; Алгоритмдерді жобалау және талдау.

Оқу ақысы туралы: ҚазҰУ-да бір кредит құны 2022–2023 оқу жылында 16 667 теңге болды. Жоғарыдағы бакалавриат бағдарламалары бойынша ҚР азаматтарына ақылы оқу жылына 1 миллион теңге тұрады. Жақын шетел азаматтары үшін баға жоғары:

• Орыс және қазақ тілдеріндегі бөлімдерде жылына 1 500 000 теңге
• Ағылшын тіліндегі бөлімде жылына 1 700 000 теңге.