Cerebra MedTech Innovator акселераторына қосылды

Қазақстандық Cerebra стартабынан керемет жаңалық. Нейрорадиология саласында жасанды интеллект дамытып, ишемиялық және геморрагиялық инсультті автоматты диагностикалайтын компания MedTech Innovator ірі халықаралық медициналық технологиялар акселераторына қатысуға шақырылды.

MedTech Innovator — медициналық технологиялар стартаптарының жетекші акселераторы ғана емес. Ұйым денсаулық сақтау саласын өзгертетін компанияларды қолдап, дамыту арқылы пациенттердің өмір сапасын жақсартуды мақсат етеді. Бүгінде акселератор портфелінде 509 сәтті түлеп шыққан компания, FDA-ның 200-ден астам мақұлдауы мен рұқсаты және шамамен $6,8 млрд көлеміндегі жоба қаржыландыруы бар.

Акселераторға қатысу аясында Cerebra ғасырдан астам тарихы бар медициналық жабдық өндіруші әлемдік Zimmer Biomet компаниясынан менторлық қолдау алды.

Дегенмен, Cerebra негізін қалаушы Досжан Жүсіпов ел ішіндегі қолдауды күшейту қажет екенін атап өтеді. Компанияның болашақ табысы отандық IT қауымдастығы үшін маңызды үлгі болып, мемлекеттік органдарды инновациялық жобаларды белсендірек қолдауға ынталандырады деп үміттенеміз.