Қазақстандық оқушылар халықаралық AI олимпиадасында үздік нәтиже көрсетті

22 қарашада 8–11 сынып оқушылары мен шетелдік қатысушыларға арналған бүкілресейлік жасанды интеллект олимпиадасы аяқталды. Халықаралық трекке Армения, Өзбекстан, Кипр және Қазақстан қатысты. Бастапқыда олимпиадаға 52 123 оқушы тіркеліп, 17–22 қарашада Мәскеуде өткен қорытынды кезеңге 62 финалист шықты. Финал екі есептен тұратын жеке тур мен командалық турды қамтыды.

Оқушыларымызды тамаша нәтижелерімен құттықтаймыз:

• Тимур Шакуров — халықаралық тректе 1-орын, командалық турда 1-орын
• Заңғар Сәкенұлы — халықаралық тректе 2-орын, командалық турда 3-орын
• Данис Чапаров — халықаралық тректе 3-орын, командалық турда 3-орын
• Нұрахмет Хамидолла — командалық турда 3-орын
• Әділжан Байдалин — командалық турда 3-орын
• Әлихан Мұхаметқали — командалық турда 3-орын
• Әбу Қанабек — командалық турда 3-орын

dsml.kz қауымдастығының жас мүшелерінен бұдан да көп жетістік күтеміз!